16.000 euros para a mellora do sendeiro azul 'A ruta das praias' de Marín
Por Redacción
A presidenta da Deputación de Pontevedra, Carmela Silva, e a alcaldesa de Marín, María Ramallo, asinaron esta mañá un convenio de colaboración para realizar actuacións no sendeiro azul da vila, coñecido como a Ruta das Praias.
Trátase dun acordo que supera os 15.875 euros, dos que a institución provincial achega o 80%, algo máis de 12.700 euros e a corporación municipal o 20% restante. Con este investimento, a Deputación Provincial investiu máis de 1.182.000 euros en Marín durante o primeiros dez meses de 2016.
A través do convenio levarán a cabo acciones de promoción turística e medio ambiental coa catalogación de carreiro azul da provincia, traballos de sinalización, ademais da instalación de mobiliario que se adecúe aos espazos e aos percorridos coas súas peculiaridades. O prazo límite para executar estas actuacións é o 31 de decembro de 2016.
Este último acordo mellorará as condicións do sendeiro azul de Marín. A provincia de Pontevedra é a que conta con maior número de carreiros destas características recoñecidos situados en once concellos. Trátase de itinerarios con elementos paisaxísticos que contribúen ao uso sustentable do litoral e cunha función social importante.
A Deputación destinou a Marín durante este ano ao redor de 1.200.000 euros. Unha partida de 764.000 euros está a destinarse a realizar pavimentacións e reposicións de pavimentos, urbanización dun viario e a mellora da iluminación pública, ademais da reconstrución da ponte e da urbanización da rúa Ponte Zapal.
Creáronse 24 postos de emprego nos servizos municipais, cun investimento total de 140.000 euros. Entre outras achegas, o municipio tamén participou de diferentes programas como Depo Aventura A Lanzada, Depo Termal ou Depo en Marcha.
Relacionadas:
-
Marín solicita un novo sendeiro azul para o roteiro dos cinco miradoiros
Por Redacción |
-
Marín coida o viario de praias para seguir sendo Sendeiro Azul
Por Oskar Viéitez |
-
O casco antigo e os petróglifos de Mogor recibirán e despedirán os turistas de Marín
Por Redacción |
-
A próxima semana iníciase a obra de urbanización da rúa Ponte Zapal
Por Redacción |
-
"Sendeiros azuis" para fomentar o turismo na provincia
Por Redacción |