A reforma integral da área de Psiquiatría do Provincial avanza a bo ritmo
Por Redacción
Tras o incendio do pasado mes de setembro, o Sergas decidiu facer unha remodelación completa da área de psiquiatría do Hospital Provincial. Estes traballos avanzan a bo ritmo e calcúlase que estarán rematados nas próximas semanas.
A día de hoxe xa está completamente renovado o sistema de climatización e a instalación eléctrica. Por outra banda, está previsto que os operarios finalicen os traballos de carpintería e pintura ao longo da vindeira semana e que procedan tamén á instalación dos cuartos de aseo.
Os traballos foron supervisados este venres polo xerente José Manuel González, que estivo acompañado por responsables da dirección do centro hospitalario e polos profesionais da unidade psiquiátrica, así como do xefe de servizo de Psiquiatría do Complexo Hospitalario Universitario de Pontevedra, o doutor Isauro Gómez Tato.
Nesta visita, os profesionais puideron comprobar os avances realizados na zona, despois de que o lume deteriorara a práctica totalidade do mobiliario e destruíra a instalación eléctrica e de iluminación, climatización, carpintería metálica e de madeira, sistema contra incendios, teito e solos nos focos do incendio.
A reforma íntegra da área psiquiátrica completarase coa recepción do mobiliario correspondente.
Relacionadas:
-
Comeza o traslado dos pacientes á área de Psiquiatría do Provincial
Por Oskar Viéitez | Creada e actualizada
-
O plan de emerxencias contra incendios do Hospital Provincial funcionou "correctamente"
Por Redacción |
-
A área de Psiquiatría do Hospital Provincial, limpa, pero á espera do informe de danos do incendio
Por Redacción |
-
VÍDEO.- O día despois do incendio na área de Psiquiatría do Provincial: imaxes e investigación
Por Mónica Patxot & Natalia Puga |