A Deputación e Fomento pechan un preacordo que garante o cumprimento do programa dos castros
Por Redacción
A Deputación de Pontevedra e o Ministerio de Fomento alcanzaron este xoves en Madrid un preacordo que permitirá o total desenvolvemento do programa de posta en valor dos castros da provincia e desbloquea a situación dos traballos que se están realizando nos xacementos da provincia.
O protocolo, no que están integrados 18 castros de Pontevedra e que finalizaba no primeiro trimestre de 2017, será substituído por un convenio entre ambas as institucións que se asinará a principios do mes de xaneiro.
O texto do convenio, que delimitará as funcións de Deputación e de Fomento, e que fixará prazos, financiamento e calendario, pecharase na reunión da Comisión de Seguimento que xa se convocou para a terceira semana de novembro en Pontevedra.
Con este preacordo garántese o cumprimento dos obxectivos marcados nos 18 xacementos en canto aos labores de escavación, limpeza, conservación, sinalización, accesos, musealización e difusión.
Relacionadas:
-
Así será a restauración e musealización de 18 castros da provincia
Por Redacción |
-
Achan restos de máis bebés no Campo da Lanzada
Por Redacción |
-
O goberno de Carmela Silva decide retomar os traballos de escavación no campo da Lanzada
Por Redacción |
-
A Deputación paraliza as actuacións nos castros da provincia polo "absoluto deixamento" de Fomento
Por Redacción |
-
Fomento e Deputación cítanse en Madrid para desbloquear a posta en valor dos castros
Por Redacción |