Ordenan retirar os saíntes de formigón da estrada PO-504
Por Redacción
Os saíntes de formigón que se atopan nas beirarrúas da estrada PO-504, entre Vilalonga e Sanxenxo, serán historia moi pronto.
A Consellería de Infraestruturas e Vivenda deu orde para que o luns comecen os traballos de retirada destes sobreanchos das beirarrúas.
A Xunta, coa execución destas obras, atende a unha solicitude que os veciños deste municipio pontevedrés veñen realizando de forma insistente.
Trátase duns saíntes de formigón que se atopan nas beirarrúas da área na que se conforman aparcadoiros e poden supoñer un obstáculo para os usuarios da estrada.
Con esta actuación, o goberno galego asegura que continúa a traballar no obxectivo prioritario de conservar a rede viaria autonómica en óptimas condicións coa fin de incrementar a seguridade viaria.