Excarceran unha condutora tras unha saída de vía en Caldas de Reis
Por Redacción
Os Bombeiros do Salnés tiveron que excarcerar unha condutora tras sufrir na tarde deste martes unha saída de vía cando circulaba pola estrada N-640 ao seu paso por Saiar no municipio de Caldas de Reis.
Como consecuencia do accidente a muller resultou ferida, sendo atendida por efectivos do 061.
O servizo de emerxencias do 112 informou que ademais dos Bombeiros do Salnés tamén foron mobilizados efectivos de Protección Civil de Caldas, o GES de Valga, a Policía Local e membros da Garda Civil de Tráfico.