A Festa do Pan de Millo e Ovo recunca en Cotobade
Por Redacción
O Concello de Cotobade acollerá este sábado a segunda edición da Festa do Pan de Millo e Ovo, que se desenvolverá durante todo o sábado no Campo da Festa de Tenorio cun amplo programa de actividades entre as que destacan obradoiros, charlas, degustación, propostas infantís, artesanía e oito actuacións musicais.
Este xoves presentábase o certame gastronómico no edificio do ayutamiento coa intervención de representantes da comisión organizadra e do alcalde Jorge Cubela.
Esta festa gastronómica do "pan de millo" quere recuperar a importancia que este pan tiña e que destacaba na zona da comarca de Pontevedra. O pregón, ás 13.30 horas, correrá a cargo do humorista Cuqui, coñecido pola súa intervención no programa Luar da TVG.
Durante a xornada actuarán Sheila Patricia e Os Jalos do Curral na sesión vermú. Desde as 19.30 horas desenvolveranse os Encontros Musicais non Claustro coa participación da Coral de Xubilados de Tenorio, os Pandereteir@s do Val de Quireza e a formación Seitura. No Festival Folk que se iniciará a partir das 22.00 horas participarán os grupos Metalxis, Laroá e Taghaitai.
O evento está organizado pola agrupación folclórica Foula e conta coa colaboración do Concello de Cotobade, o Concello de Cerdedo e a Deputación provincial.