Jorge Canda afirma que o tenente de alcalde da Lama nunca rexeitara a paga extra
Por Redacción
O alcalde do Concello da Lama, Jorge Canda, saíu en resposta das acusacións do voceiro do PSdeG-PSOE, Enrique Vaqueiro, nas que afirmaba que o tenente alcalde, Juan Carlos Piñeiro Teodosio, cobrara a paga extra tras renunciar a ela.
Segundo expón o rexedor Jorge Canda nun escrito o tenente alcalde nunca renunciou á percepción da súa paga extra. Quen si o fixo foi o propio alcalde e de forma totalmente voluntaria e solidaria co persoal municipal. Desta forma, Canda acusa ao voceiro solialista de non enterarse do que estaba ocurrindo na sesión plenaria.
O rexedor engade que "nin o alcalde, nin o tenente alcalde, por ser persoal eventual, excluido do ámbito do Real Decreto que regula este tema, teñen a obriga de renunciar a súa paga extra. Malia todo, o alcalde si renunciou a súa paga extra pero o tenente alcalde, "por decisión de todo o grupo popular tendo en conta a escasa contía da súa retribución mensual e a súa dedicación exclusiva ás tarefas do Concello, que excede con moito da súa xornada laboral, traballando mesmo sábados e domingos, decidiuse que a percibira".
Jorge Canda acusa a Enrique Vaqueiro de "tardar en procesar a información" e de "só buscar titulares na prensa".
O alcalde, xunto cos seus concelleiros, está estudando a posibilidade de adoptar medidas legais pola publicación de estas falsedades e "esixe unha rectificación pública destas declaracións e que no futuro se absteña de seguir con esta campaña difamatoria contra o Partido Popular".