Obras de asfaltado na rúa Jaime Janer desde "a próxima semana"
Por Redacción
As obras para a mellora da seguridade viaria no tramo urbano marinense da PO-313, a rúa Jaime Janer, comezarán "a próxima semana".
O Concello de Marín anunciou o inicio das obras, que levarán asfaltado completo da capa de rodaxe, a reforma da iluminación e a instalación de lombos que se colocarán en varios puntos durante os primeiro quilómetros da estrada, ata o cruzamento cara a Figueirido.
O orzamento total da obra ascende a 167.668 euros, segundo o publicado no seu momento na licitación do DOG.
Esta actuación únese á pactada coa Xunta recentemente para a humanización da travesía, na que se renovarán as beirarrúas, ampliaranse as redes de abastecemento e saneamento e acondicionarase mobiliario urbano.