Un particular logra rescatar un bañista na praia de Major
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Unha persoa foi rescatada na praia de Major, en Sanxenxo durante a tarde deste martes 6 de setembro.
Un particular informaba ao 112 Galicia ao redor das 19.00 horas da presenza dunha persoa na auga, nunha zona perigosa.
O Centro de Emerxencias 112 Galicia alertaba a Salvamento Marítimo e ao Servizo de Gardacostas de Galicia. Ademais informábase tamén a Emerxencias de Sanxenxo e da Garda Civil.
Ao final foi o propio particular quen logrou rescatar ao bañista, que se atopa en bo estado de saúde, segundo a información facilitada polo 112.