Rescatan da auga a tres persoas en apertos na praia de Foxos
Por Redacción
Momentos de tensión vivíronse este domingo na praia de Foxos, en Sanxenxo, por tres bañistas en apertos.
Varios particulares deron a voz de alarma ao 112 pasadas as seis da tarde ao observar a dificultade de tres persoas que estaban na auga para regresar á beira.
Ata o lugar acudiron varios socorristas e efectivos dos servizos sanitarios de urxencia.
Dúas das persoas rescatadas presentaban síntomas de hipotermia leve e o terceiro bañista de hipotermia de maior gravidade, segundo aseguraron os axentes da Policía Local.