Moraña decreta restricións no consumo de auga pola seca
Por Redacción
A alcaldesa de Moraña, Luisa Piñeiro, ditou un bando no que prohibe o uso da auga para actividades non domésticas "como rega de leiras ou xardíns, lavado de coches ou enchido de piscinas".
O bando anuncia que de continuar esta situación de seca procederase a cortar a subministración de auga durante determinadas horas do día.
A restrición do consumo de auga débese a que o depósito de abastecemento de auga potable de Santa Lucía "atópase nuns niveis moi baixos que non permiten un excesivo consumo de auga".
No bando explícase que "por este motivo débese consumir a auga estritamente necesaria e non malgastala".