Eleccións 26-X: O PP repite vitoria en Pontevedra; En Marea e PSOE terán dous deputados cada un
Por Alejandro Espiño
Creada e actualizada
Creada e actualizada
Nada saíu como auguraban os sondeos. As enquisas erraron de forma estrepitosa. O Partido Popular gañou con claridade, moito máis do esperado, as eleccións do 26-X. En toda España, alcanzou os 137 deputados, catorce máis que en decembro. Co 100% escrutado, os populares de Mariano Rajoy acadaron 7.906.185 votos (33,03% do total), case cinco puntos máis.
Tamén melloran en Pontevedra, aínda que non o suficiente para recuperar o seu cuarto deputado. Os populares manteñen os tres deputados que lograra o 20-D, aínda que o aumento en votos foi significativo. Alcanzan os 206.732 votos (38,30%), nove mil máis que en decembro -mellora case un 4%-.
Gracias a todos los miembros del @PPopular, la victoria es vuestra y de los españoles que han creído en este proyecto. Por #España, #Afavor
— Mariano Rajoy Brey (@marianorajoy) 26 de junio de 2016
O PSOE de Pedro Sánchez, pola súa banda, resiste e evita o anunciado 'sorpasso' de Unidos Podemos -En Marea en Galicia-. Os socialistas suman 85 deputados, cinco menos que hai seis meses; mentres que a coalición entre Podemos e Esquerda Unida, sumada ás súas confluencias, quedan en 71. Son os mesmos que conseguiran por separado nas últimas eleccións.
Os de Pablo Iglesias tampouco superan ao PSOE en número de votos. Os socialistas suman 5.424.709 apoios (22,66%), mentres que Unidos Podemos e as súas confluencias quedan en 5.048.734 (21,10%).
En Pontevedra, o PSOE terá dous deputados na próxima lexislatura gracias os seus 118.015 votos (21,86%). Aínda que aquí mantense a tendencia e aínda que a marxe estreitouse, é En Marea quen logra a segunda praza en número de votos (135.960 y 25,19%). Tamén manteñen os dous deputados logrados en decembro.
Así as cousas, Ana Pastor, Irene Garrido e Pilar Rojo (PP), Alexandra Fernández e Ángela Rodríguez (En Marea) e Dolores Galovart e Guillermo Meijón (PSOE) serán os representantes pontevedreses no Congreso nesta nova lexislatura.
Peor lle foron as cousas a Cidadáns e ao BNG. Os dous, con concelleiros da corporación municipal de Pontevedra á fronte -María Rey e Luis Bará-, quedan fóra do novo Congreso.
Os de Albert Rivera esborrállanse a nivel nacional e perden oito deputados, quedando en 32 (3.123.769 votos, un 13,05%). Na provincia volven situarse, iso si, por diante dos nacionalistas con 47.905 votos (8,87%). E é que o BNG cae a un novo mínimo histórico ao atraer tan só a 16.682 pontevedreses (3,09% do total).
As eleccións do 26-X deixa tamén un dato para destacar. Por vez primeira, o Partido Animalista (Pacma) supera o 1% dos votos en Pontevedra. Logran 6.364 votos, un 1,18%.
Os resultados completos pódense consultar na web do Ministerio do Interior.
O Partido Popular foi o partido máis votado en 58 dos 62 concellos da provincia. O 'pleno' impedírono En Marea, que se colocou como primeira forza no Grove e Cangas; e o PSOE, que mantivo a súa hexemonía na Illa de Arousa e Fornelos de Montes.
Na cidade de Pontevedra, os populares lograron 17.474 votos (36,97%). Segundo foi En Marea con 10.917 (23,10%) e o PSOE, terceiro, a pouca distancia con 10.559 (22,34%). Cidadáns con 4.571 (9,67%), BNG con 2.446 (5,17%), PACMA con 537 (1,14%), UPyD con 107 (0,23%), Recortes Cero con 101 (0,21%), Escanos en Branco con 70 (0,15%) e Comunistas de Galiza con 42 (0,09%) completan os resultados.
VALORACIÓN DOS RESULTADOS
Tras coñecerse os resultados electorais, Ana Pastor destacou que o PP foi o partido "más votado en toda España" e na provincia "todo el mapa es azul". Se hai algo claro, sinalou, é que os españois decidiron "apostar por la estabilidad y el sentido común" para que o país "pueda seguir creciendo, creando empleo y ofreciendo oportunidades". Espera que, a partir de agora, poida haber un goberno estable "cuanto antes".
A cabeza de lista de En Marea por Pontevedra, Alexandra Fernández asegurou que "os datos non os que agardábamos pero tamén é certo que este proxecto se nutre dos movementos da rúa e a loita é longa, polo que seguiremos a traballar no cambio político tamén a nivel do Estado".
Luís Bará, por parte do BNG, recoñeceu que os resultados "non son satisfactorios" a pesar de que o punto de partida de decembro "xa era adverso". O candidato nacionalista asegurou que "é difícil competir" cunha campaña tan "focalizada" a nivel do Estado e que xirou ao redor dos "grandes medios estatais". A pesar diso, asegurou ser "optimista" de cara o futuro porque "temos base para seguir traballando e saír adiante".
Relacionadas:
-
Tomás Fole, ao Congreso dos Deputados tras a renuncia de José Balseiros
Por Redacción |
-
Eleccións 26-X: Vanessa Angustia mantén o seu escano no Senado e acompañará os tres candidatos do PP
Por Alejandro Espiño |
-
Eleccións 26-X: Normalidade nos colexios de Pontevedra e maior participación que o pasado 20-D
Por Alejandro Espiño & Diego Torrado | Creada e actualizada
-
Eleccións 26-X: Os candidatos chaman á participación nesta "importante" cita coas urnas
Por Alejandro Espiño |
-
A xornada de reflexión en Pontevedra, en imaxes
Por Alejandro Espiño |