A Xunta de Galicia promete melloras nos viais do polígono de Campo Lameiro
Por Redacción
José Manuel Cores Tourís, delegado da Xunta en Pontevedra, visitaba este luns 13 o polígono da Facha en Campo Lameiro acompañado polo alcalde do municipio, Julio Sayáns. Alí, o representante da administración autonómica anunciou que a posta en marcha de obras de mellora neste espazo industrial permitirán a execución dun punto limpo e a mellora de varias vías.
Nestes traballos está previsto que se invistan case 125.000 euros, dos que o 80%, ao redor de 99.000 euros serán achegados pola consellería de Economía, Emprego e Industria. Segundo o alcalde, na actualidade existe un problema da recollida de residuos xa que existen varios colectores diseminados pola zona, aínda que ningún é de reciclaxe. Por este motivo, queren que se poña en marcha un centro de reciclaxe que non poderá albergar residuos perigoso ou orgánicos.
Este investimento forma parte dos 12 proxectos previstos pola Xunta na provincia que, entre outros puntos, afectarán a concellos como Cambados, Ribadumia e A Lama.