Barro, Cuntis, Moraña e Portas queren que os seus veciños deixen de fumar
Por Redacción
Os concellos de Barro, Cuntis, Moraña e Portas en colaboración coa Consellería de Sanidade, a través do programa de prevención das drogodependencias e outras condutas adictivas desenrolará nos vindeiros días un programa de deshabituación progresiva do tabaco.
Dentro dos programas preventivos que se realizan nos catro concellos, ao longo do mes de xuño e xullo realizarase o "Programa para deixar de fumar".
O programa para deixar de fumar é un tratamento psicolóxico eficaz que demostrou en múltiples aplicacións a súa elevada eficacia. Consiste nunha serie de pasos sinxelos a través das cales os fumadores poden abandonar o consumo de tabaco de forma paulatina, e con pouco esforzo, contando en todo momento coa guía e axuda dunha técnica.
O programa dará comezo na semana do 20 ó 24 de xuño e finalizará a última semana de xullo. Os lugares e datas de realización do programa para deixar de fumar en cada concello son:
- BARRO: Luns 20 e 27 de xuño e todos os luns de xullo en horario de 20:00 a 21:00 horas. Na Biblioteca. Inscrición no Concello (teléfono 986 711 002).
- CUNTIS: Martes 21 e 28 de xuño e todos os martes de xullo en horario de 20:00 a 21:00 horas. No Centro de formación Ocupacional A Ran. Inscrición no Concello (teléfono 986 185 723 educadora familiar).
- MORAÑA: Mércores 22 e 29 de xuño e todos os mércores de xullo en horario de 20:00 a 21:00 horas. Inscrición na Casa de Cultura (986 552 809).
- PORTAS: Xoves 23 e 30 de xuño e todos os xoves de xullo en horario de 20:00 a 21:00 horas. Realización e inscrición na Casa de Cultura (teléfono 986 536 925).