Pontevedra e Sanxenxo recollen 4.500 quilos de comida na Operación Quilo
Por Redacción
A Fundación Provincial Banco de Alimentos recolleu esta fin de semana uns 4.500 quilos de comida non perecedoira, grazas á Operación Quilo simultánea desenvolvida en Pontevedra e Sanxenxo.
Tras o cómputo realizado este luns, os produtos recibidos tradúcense en 3.000 quilos de comida recollida en Pontevedra e 1.500 quilos en Sanxenxo.
Desde a ONG agradécese publicamente a xenerosidade dos cidadáns que entregaron produtos de primeira necesidade durante os tres días de Operación Quilo, así como a disposición do medio centenar de voluntarios mobilizados e, tamén, a implicación das superficies comerciais por permitir esta acción solidaria.
Grazas a esta acción solidaria, o Banco de Alimentos seguirá recuperando o seu stock de comida no seu almacén situado na rúa Faustino Santalices, coa que axuda mensualmente a unhas 3.000 persoas con dificultades na comarca de Pontevedra, a través de 26 colectivos sociais.
Relacionadas:
-
Máis de 100.000 quilos de comida en seis meses para axudar aos máis necesitados
Por Redacción |
-
O Banco de Alimentos xunta 10.000 quilos de comida nunha nova recollida solidaria
Por Redacción |
-
Os sanxenxinos doan 1,2 toneladas de comida ao Banco de Alimentos
Por Redacción |
-
O Banco de Alimentos recolle 18.600 quilos de comida na Operación Quilo
Por Redacción |
-
O Banco de Alimentos recolle 3,6 toneladas na primeira Operación Quilo de Pontevedra e Vilagarcía
Por Redacción |