O Sergas activa as Urxencias do Hospital do Salnés
Por Redacción
O Servizo Galego de Saúde activa asistencialmente este xoves 2 de xuño, o novo servizo de Urxencias do Hospital do Salnés, cos seus respectivos accesos viais e peonís. Estes espazos duplican a capacidade de triaxe, observación e atención aos pacientes e dispoñen dunha zona específica de urxencias pediátricas.
Ademais, o novo anexo que abre este xoves habilita un bloque obstétrico con dúas salas polivalentes, dúas unidades de tratamento, parto e recuperación, unha consulta e unha sala de reanimación de recén nados.
A obra de ampliación e reforma do Hospital do Salnés, cofinanciada con fondos europeos e cun orzamento de 7.780.149 euros, contemplou a construción dunha nova infraestrutura que abrangue a cinco áreas hospitalarias, cunha superficie asistencial de 2.700 metros cadrados correspondentes ao novo edificio executado e 1.400 de reforma
O CHOP DESPIDE E DA A BENVIDA AOS RESIDENTES
Pola súa banda, o Complexo Hospitalario Universitario de Pontevedra celebrou este mércores o acto oficial de despedida dos 33 especialistas que remataron a súa formación nos hospitais e centros de saúde de Pontevedra e O Salnés e deu a benvida aos 35 novos residentes que se incorporan este ano, para formarse en especialidades hospitalarias, medicina familiar, enfermaría obstétrico-xinecolóxica (matronas) e enfermaría familiar.
O acto, presidido polo xerente José Manuel González Álvarez, celebrouse no salón de actos do hospital Montecelo.
A día de hoxe nos hospitais e centros de saúde de Pontevedra e Salnés completan a súa formación 132 residentes, 44 en medicina familiar, 74 nas diversas especialidades hospitalarias, 4 matronas e 10 enfermeiras de familia.
Relacionadas:
-
A nova área de obstetricia do Hospital do Salnés estreouse con dous partos
Por Redacción |
-
As novas Urxencias do Hospital do Salnés xa están a pleno rendemento
Por Redacción |
-
Premian o servizo de farmacia dos hospitais de Pontevedra e O Salnés
Por Redacción |
-
40 estudantes norteamericanos, de prácticas no CHOP
Por Redacción |
-
Lanzamento de bicos no CHOP polo día do neno hospitalizado
Por Redacción |
-
A Audiencia sobresee definitivamente a denuncia interposta por Víctor Pedreira contra o xerente do CHOP
Por Redacción |