O Sergas certifica que as zonas de baño fluviais de Cotobade contan cunha calidade de auga excelente
Por Redacción
Este verán de 2016, a calidade da auga das cinco zonas de baño fluviais homologadas para a tempada en Cotobade será excelente segundo o informe emitido polo Servizo Galego de Saúde (Sergas).
As zonas de baño está situadas en Carballedo, Pozo Negro (Rebordelo) e A Xesteira, na beira do río Almofrei; ademais de en o río Cabanelas ao seu paso por Viascón. O quinto espazo corresponde ao lugar de Calvelo, na parroquia de Tenorio, que sen estar incluído oficialmente nas zonas de baño, foi analizado polo Sergas e cualificado coa máxima nota de calidade. Esta zona é utilizada habitualmente por veciños e visitantes para tomarse un baño, segundo informa o Concello de Cotobade.
Jorge Cubela, alcalde de Cotobade, afirma que a calidade das augas débese tanto ao traballo realizado desde a administración, con pequenas actuacións de acondicionamento, como por parte dos veciños e realiza unha invitación a todos os visitantes para que gocen das augas dos ríos do municipio a partir da chegada das boas temperaturas.