Chegan as axudas para mellorar camiños de acceso a explotacións agrarias
Por Oskar Viéitez
A Xunta xa está a comunicar aos concellos a resolución das axudas do Plan Marco de mellora de camiños municipais de acceso a explotacións agrarias 2016 de cara a que poidan poñer os terreos a disposición da administración autonómica para acometer estes investimentos.
En total, para a provincia de Pontevedra o investimento destas subvencións ascende a algo máis de 3,8 millóns de euros.
Na comarca de Pontevedra, as axudas foron xa comunicadas aos concellos de Barro e A Lama, e na zona de Caldas de Reis aos concellos de Cuntis e Portas, cun orzamento global de 277.500 euros.
Na comarca de Arousa, as axudas foron xa comunicadas aos concellos de Meis, Sanxenxo, Cambados, Meaño, Vilagarcía de Arousa, O Grove e Ribadumia, e ascenden a case 442.000 euros.