Juan Carlos I, entre Sanxenxo e Marín: "Volver a la Escuela Naval Militar en un ambiente tan relajado como éste ha sido algo magnífico"
Por Redacción
O rei emérito de España, Juan Carlos I, regresou esta fin de semana ás Rías Baixas, pero non como lugar de descanso ou lecer, senón para competir. Participou nas primeiras regatas oficiais da clase 6M de vela, que tiveron como punto neurálxico o Real Club Náutico de Sanxenxo, pero pasaron tamén pola Escola Naval Militar de Marín. E, como balance destes dous días de escapada, levou a casa unha vitoria.
O I Trofeo 6M Almirante Rodríguez Toubes disputouse entre o sábado e o domingo. A xornada deste domingo, que comezou na Escola Naval Militar de Marín e disputouse na ría de Pontevedra cun vento de oeste de en 10 e 15 nós de intensidade, terminou coa embarcación 'Caprice' de Jose Luís Angoso como vencedora, pero o balance de toda a regta deu a vitoria ao Gallant, co Rey Don Juan Carlos ao mando.
Co Rey Don Juan Carlos I á cana, e grazas o segundo posto na xornada deste domingo, o Gallant de José Cusí proclamouse campión desta primeira edición do Trofeo 6m Almirante Rodriguez Toubes. O segundo posto do torneo foi para o Caprice, con Iñigo Echenique á cana e Laureano Wizner de táctico
O percorrido desta segunda xornada, nove millas entre a illa de Tambo, o faro da Mourisca e o Real Club Náutico Sanxenxo, resultou do agrado do rei emérito, que, declaracións facilitadas polo Real Club Náutico de Sanxenxo, sinalou: "Volver a la Escuela Naval Militar en un ambiente tan relajado como éste ha sido algo magnífico y disfrutar del día de regatas de hoy son de los que crean todavía más afición".
Relacionadas:
-
O rei Juan Carlos I, inscrito para a regata final do Trofeo Presidente da Xunta
Por Redacción |
-
Juan Carlos I, nova fin de semana de regata e victoria na Ría de Pontevedra
Por Redacción |
-
"En Galicia nunca chove", bromea o rei emérito
Por Mónica Patxot |
-
Juan Carlos I, a toda vela en Cuntis
Por Redacción |
-
Juan Carlos I volve a Sanxenxo... para competir
Por Redacción |
-
O Rei Don Juan Carlos, de novo en Sanxenxo
Por Redacción |
-
Juan Carlos I cea en casa Román despois de navegar pola ría
Por Diego Torrado & Oskar Viéitez |