Inminente inicio das obras de mellora na Carballeira de Lourizán
Por Redacción
O Concello de Pontevedra acaba de adxudicar as obras de mellora na contorna da Carballeira, en Lourizán, á empresa EC Casas.
Desta forma os traballos comezarán "nun prazo de dúas semanas" no tramo de acceso desde o colexio.
As obras centraranse na incorporación de medidas de acougado de tráfico, sinalización da zona 30 e canalización de pluviais.
Antes de iniciar a reforma o concelleiro delegado da parroquia, Demetrio Gómez, visitou a zona para escoitar as suxestións dos veciños.
OBRAS EN XEVE
Por outra banda a concelleira delegada de Santa María de Xeve, Pilar Comesaña, reuniuse co consello parroquial para explicarlles as próximas actuacións do goberno local na parroquia.
As actuacións que se realizarán "de inmediato" son o ancheamento da pista no Fontáns e a construción dun muro, outra obra similar na Costiña de Xeve e tamén a construción dunha cuneta en Cons.
Ademais a curto prazo executarase un asfaltado completo e arranxo e construción de muros de contención na pista de Maunzo, viario que comunica Santa María e Santo André de Xeve.