O PSOE alerta da mala situación en que se atopan numerosas estradas de Cotobade
Por Redacción
O grupo municipal socialista denuncia a pésima situación en que se atopan numerosas estradas de Cotobade que, segundo manifestan os concelleiros do PSOE, dificultan gravemente a circulación. Por este motivo, presentarán unha moción para debater no próximo pleno no que reclaman a mellora de diferentes estradas do termo municipal e cuxa reparación corresponden a diferentes administracións.
Entre outras destacan o mal estado da estrada que vai de Ceraxe a Augasantas, a que se dirixe de Vilanova a Tenorio polo campo de fútbol, a que une Carballedo con San Xurxo de Sancos, a de Caroi-Loureiro, a estrada que leva a Atalaia en Viascón, a de Trabazo, o viario entre Cuspedriños e San Xurxo de Sacos ou a estrada Cavadosa-Caroi.
Segundo apuntan, o paso do inverno e dos temporais empeorou a situación aumentando as fochancas con afundimento de calzada, que provoca danos nos vehículos e crea perigo para os condutores e peóns.
Insisten ademais en que na parroquia de Carballedo non se toman medidas de ningún tipo para liquidar a situación das estradas da parcelaria.
Os socialistas indican que presentaron tres mocións deste tipo durante este ano e que, a pesar de ser aprobados, non se resolve o problema, algo que consideran unha "tomadura de pelo".