Reparan a Casa do Pobo de Xustáns como solicitaron os veciños
Por Redacción
O alcalde de Ponte Caldelas, Andrés Díaz, supervisou a marcha dos traballos de reparación que está acometendo o Concello de Ponte Caldelas na Casa do Pobo de Xustáns para dar resposta ás peticións realizadas polos distintos veciños e colectivos sociais da parroquia que reclamaban o arranxo deste centro sociocultural.
Os operarios municipais están levando a cabo labores de corrección de grietas nas paredes, lixado e pintado interior da Casa do Pobo, así como das portas e xanelas que conforman este edificio. Asemade, tamén procederon á colocación dun novo piso antideslizante coa intención de previr caídas de usuarios do centro sociocultural.
Con esta actuación o Concello de Ponte Caldelas dá resposta a unha das peticións expresadas polos veciños na asemblea celebrada na Casa do Pobo a principios do presente mandato.
Tamén se procederá a unha limpeza integral do campo da festa coa intención de facilitar un mellor aspecto do entorno.
Relacionadas:
-
O parque infantil de Xustáns terá caucho e columpios novos
Por Redacción | Creada e actualizada