O parque infantil de Xustáns terá caucho e columpios novos
Por Redacción
Creada e actualizada
Creada e actualizada
A Xunta de Galicia financiará con 40.000 euros a reforma do parque infantil de Xustáns, a través da orde para a mellora de infraestruturas, dotacións e equipamentos en concellos de menos de 50.000 habitantes.
Con esta actuación procederase ao cambio do pavimento do parque infantil substituíndose por un pavimento de caucho reciclado anti caídas, mellorando notablemente a seguridade dos menores que usan o parque infantil de Xustáns e atendendo a unha demanda dos pais para a súa mellora.
Nas actuacións para financiar coa devandita orde tamén figura a substitución do caucho dos parques infantís da vila e o cambio de varias columpios.
Estas melloras foron solicitadas ao delegado da Xunta, José Manuel Cores Tourís, nunha recente entrevista cos portavoces do Partido Popular de Ponte Caldelas, Ricardo Castro e Inés Sánchez.
Estes concelleiros valoraron positivamente que fose concedida a mellora do parque infantil de Xustáns xa era tamén unha actuación proxectada para completar a remodelación e mellora que se fixo do campo da festa desa parroquia transformándoa nunha praza pública que conta tamén cun parque biosaudable.
ENFADO DO ALCALDE
O alcalde de Ponte Caldelas, Andrés Díaz Sobral, dixo estar "abochornado" pola foto que os concelleiros do Partido Popular "foron facerse co suposto delegado da Xunta en Pontevedra", José Manuel Cores Tourís, para anunciar a concesión dunha "pequena subvención" de 33.000 euros para o "arranxo parcial" dos parques infantís de Xustáns.
"Hai que dicir que trátase do suposto delegado da Xunta, porque demostra con este tipo de actuacións que é o delegado político do Partido Popular", recalca Andrés Díaz.
O alcalde invita a Cores Tourís a que, no sucesivo, comunique ao Concello de Ponte Caldelas o resultado dos procedementos administrativos iniciados pola institución municipal. "Con este politiqueo barato, o señor Cores Tourís fáltalle ao respecto á institución municipal e, por ende, aos veciños de Ponte Caldelas".
Finalmente Andrés Díaz lamenta que o PP "intente colgarse a medalla das obras nos parques infantís cando se pasou catro anos dicindo que non facían falta".
Neste sentido, o alcalde recorda que esta obra fue "longamente demandada" dende a oposición en el pasado mandato e "sistematicamente denegada" polo ex alcalde, Perfecto Rodríguez, "quen mesmo declarou publicamente que non facía falta".
A subvención, diante da negativa do anterior alcalde, foi solicitada polo actual equipo de goberno, que decidiu priorizar esta mellora e incluíla na orde para infraestruturas en concellos de menos de 5.000 habitantes. "Pero o señor Cores Tourís debe pensar que a obra a solicitou o grupo municipal do Partido Popular, que, pola súa présa en colgarse a medalla, cambiou de opinión con respecto ao criterio do anterior alcalde", sinalou Díaz.