Empezan as obras da senda peonil e ciclista que conecta Soutullo e A Lanzada
Por Redacción
A conselleira de Infraestruturas e Vivenda, Ethel Vázquez, supervisou este martes o inicio das obras da senda peonil e ciclista que conecta Soutullo e A Lanzada, na estrada PO-308.
Vázquez avanzou que o seguinte treito a executar será o de Soutullo- Major, cuxa contratación das obras comezará no verán e indicou que tamén se licitarán este ano as obras do último tramo que vai ata Portonovo.
As obras de execución da senda entre Soutullo e A Lanzada, que se levará a cabo ao longo de case 2,8 quilómetros, contará cun investimento de arredor de 3,3 millóns de euros. As accións centraranse na execución dun itinerario peonil e ciclista que dará continuidade á senda existente actualmente na Lanzada.
Neste tramo realizaranse melloras nas interseccións; executarase unha glorieta na zona de enlace con varías vías secundarias, para garantir os cambios de sentido; e crearanse 200 novas prazas de aparcadoiro, apostando polo máximo aproveitamento. Ademais mellorarase a sinalización horizontal e vertical; acometeranse actuacións puntuais de rehabilitación do firme; e construiranse tres pasarelas de madeira para dar continuidade ao itinerario ciclista, ao ter que cruzar diversos leitos.
A conselleira explicou que estas obras contan cun prazo de execución de 15 meses, polo que estarán rematadas no verán de 2017. Precisou que durante o mes de agosto evitarase a realización de traballos, para interferir o menos posible no turismo e evitar as posibles molestias.
Relacionadas:
-
A senda peonil e ciclista entre A Lanzada e Soutullo, na estrada PO-308, estará lista no verán
Por Redacción |
-
O paseo entre A Lanzada e Portonovo terá unha nova senda para peóns e ciclistas de 1,2 quilómetros
Por Redacción |
-
Pontevedra pide á Xunta unha senda ciclista na estrada vella a Marín
Por Alejandro Espiño |
-
Dúas sendas na PO-308, Covelo- Raxó e Portonovo-A Lanzada, incluídas no plan da Xunta
Por Redacción |
-
Sanxenxo pide permiso a Costas para ter servizos en nove praias
Por Redacción |
-
Ponte Caldelas pide á Xunta que habilite tres novas sendas peonís
Por Redacción |
-
Marín solicita á Xunta a creación de sendas peonís en Seixo, Lapamán e Pardavila
Por Redacción |
-
Poio propón á Xunta a creación de tres sendas para peóns e ciclistas
Por Redacción |
-
A Xunta pide aos concellos da comarca que propoñan itinerarios para construir novas sendas peonís
Por Redacción |