O goberno local de Sanxenxo pon en dúbida a credibilidade política de Telmo Martín
Por Redacción
A falta de aprobación do orzamento do Concello de Sanxenxo motivou as críticas por parte do líder da oposición, Telmo Martín, que pediu publicamente a substitución do concelleiro de Facenda, David Otero. Agora, o goberno local responde que a situación de tesourería impediu que ata o pasado mes de febreiro se puidese avanzar no proxecto de orzamento, xa que o remanente de tesourería nos últimos anos era negativo e que, por primeira vez no último lustro, logrou agora equilibrio.
Desde o Concello de Sanxenxo afirman que xa se elaborou un borrador do orzamento e o concelleiro de Facenda, David Otero, lembra que o obxectivo do Goberno é redactar uns orzamentos adaptados ás necesidades actuais e critica as "formulacións ficticias" que durante a época en que Telmo Martín gobernaba se carectirazara por "estar inflado".
Ademais, alega que concellos gobernados polo PP, como o de Marín, aínda levaron esta semana a pleno a aprobación do orzamento.
Otero critica a Telmo Martín apuntando que cando gobernaba en Sanxenxo era habitual que realizase gastos non orzados que despois había que validar en pleno obrigando a levar a cabo recoñecementos extraxudiciais. E engade que Martín aprobou os orzamentos de 2004 e de 2005 o 3 de maio e o 4 de xuño respectivamente contando con maioría absoluta. Desta forma, o concelleiro pon en dúbida a credibilidade política do ex alcalde popular.