Polémica entre o PP e o BNG pola visita institucional de Ana Pontón ao Concello
Por Redacción
A visita institucional da portavoz nacional do BNG, Ana Pontón, ao Concello de Pontevedra estivo precedida este martes de polémica entre os grupos municipais do BNG e o PP. O portavoz dos 'populares', Jacobo Moreira, reprochou ao alcalde, o nacionalista Miguel Anxo Fernández Lores, que "una vez más, utiliza el Ayuntamiento como si fuera la sede del BNG", ao que o rexedor da capital respondeulle "a palabras sordas oídos necios, como diría Mariano".
O luns, cando tivo noticia da visita, Jacobo Moreira pediu ao alcalde que a cancelase, pero non tivo éxito. Este martes, unha hora antes da chegada de Ana Pontón ao Concello, convocou unha rolda de prensa na que criticou que xestos como este "no es novedoso", pois en xullo de 2014 Lores xa recibiu ao entón portavoz nacional do BNG, Xabier Vence.
"Parece que en el BNG se está convirtiendo en tradición utilizar la Alcaldía de Pontevedra para hacer reuniones de partido", cuestionou Moreira, para engadir que hai moitos veciños de Pontevedra que teñen problemas importantes que resolver que non son recibidos polo alcalde e con todo Lores "sí tiene tiempo para recibir a la jefa de su partido, que, dicho sea de paso, no es vecina de Pontevedra".
En opinión do líder do PP, as reunións do BNG deben facerse na sede do partido en cálea Marquesa e, con todo, o Goberno local "utiliza las instituciones al servicio del partido". Ante esta situación, sinala a súa confianza en que a viaxe a Pontevedra de Ana Pontón e a comida posterior á visita instucional "no la paguemos los vecinos de Pontevedra", isto é, non se cargue como gasto municipal.
O alcalde de Pontevedra, Miguel Anxo Fernández Lores, sinalou a "absoluta normalidade" da visita da portavoz nacional do BNG, Ana Pontón, que cualificou como "protocolaria" e que agradeceu.
Ademais asegurou que "terá continuidade no futuro" e reiterou que "xa nos gustaría" que visitasen o Concello outras autoridades ás que se lles cursou invitación, como o presidente do Goberno en funcións, Mariano Rajoy "que non tivo a delicadeza" de acudir en visita institucional.
Respecto das críticas do Partido Popular, Lores dixo que "con todos os respectos e humildade paréceme unha tontería" e engadiu "a palabras sordas oídos necios, como diría Mariano"