O alcalde de Ponte Caldelas ameaza con multar os concelleiros do PP por faltar ás mesas de contratación
Por Redacción
O alcalde de Ponte Caldelas, Andrés Díaz, alerta aos concelleiros do Partido Popular de que poden verse sometidos a multas se continúan ausentándose das Mesas de Contratación nas que teñen representación.
Díaz alerta de que na súa etapa na oposición nunca se lle convidou a formar parte deste tipo de actos e lamenta o desprezo do Partido Popular. Sinala que ao longo deste mandato adxudicáronse nestas mesas os postos de venda de alimentos do mercado municipal, o servizo de limpeza dos colexios públicos ou a lectura de contadores, entre outros temas.
O alcalde entende que nestes procesos quérese garantir a transparencia no procedemento e, con todo, o Partido Popular incumpre todas as súas responsabilidades con falta de asistencia reiterada. Esta ausencia leva que os populares soliciten a través do rexistro os expedientes para a súa revisión e iso provoca, segundo o rexedor, un trastorno ao persoal administrativo que debe de localizar e fotocopiar os expedientes en lugar de atender aos veciños que se achegan polas dependencias municipais.
Por este motivo, Andrés Díaz alerta que as faltas inxustificadas de asistencia están castigadas polo artigo 74 da Lei Reguladora dás Bases Locais coa opción de sancionar con multa a ausencia non xustificada a estes actos.