A Xunta Reitora extraordinaria do IMD, pendente desde outubro, convocarase a próxima semana
Por Redacción
A concelleira de Deportes, Anxos Riveiro, avanzou este venres que a próxima semana, "probablemente" o luns, convocarase a Xunta Reitora extraordinaria do Instituto Municipal de Deportes (IMD) solicitada, segundo denunciaron os populares, en outubro.
Este anuncio de convocatoria chega pouco despois de que o Partido Popular reclamase, por enésima vez, que se celebrase unha sesión extraordinaria para renovar os tres vocais representantes dos clubs e entidades deportivas da cidade.
O edil Tomás Abeigón, que reclamou un "giro radical" na política deportiva municipal, lembrou que se cumpriron xa cen días desde a súa primeira petición por escrito e que, se no prazo de quince días a responsable de Deportes non procede á súa convocatoria "lo tendrá que hacer el secretario del Concello".
É un tema "urgente y necesario", segundo Abeigón para que o organismo reitor do IMD volva ser "democrático, variado y representativo".
Ademais de renovar esas vocalías, os populares queren tratar nesa reunión outros asuntos relacionados co deporte como o desmantelamento do campo de fútbol de Praceres, a perda dun campionato nacional de natación pola polémica entre o Concello e o Club Natación Galaico ou os problemas que ten o Club Voleibol Pontevedra para adestrar no Multiúsos da Xunqueira.
Relacionadas:
-
O IMD inicia o proceso para renovar aos representantes dos clubs da cidade
Por Redacción |
-
O PP propón celebrar anualmente unha gala para premiar os deportistas locais
Por Redacción |
-
O IMD aproba subir as subvencións aos clubs que organizan escolas deportivas
Por Redacción |
-
O PP solicita unha sesión extraordinaria do IMD para renovar os vogais dos clubs
Por Redacción |