Pontevedra recibe esta fin de semana aos Entroidos tradicionais
Por Redacción
A cidade comezará a vivir as primeiras actividades do Entroido esta fin de semana coa Presentación dos entroidos de Galicia. Trátase dunha actividade xa habitual na programación do Carnaval pontevedrés que pretende amosar aos cidadáns os entroidos tradicionais doutros puntos do país.
Este sábado, ás 12.00 horas haberá un pasarrúas pola zona máis céntrica da cidade das Madamas e Galáns de Cobres.
A mostra de entroidos tradicionais continuará o vindeiro sábado, 2 de febreiro, ás 12.00 horas cun pasarrúas dos Volanteiros de Chantada.