No Colexio Vilaverde aprenden a tunear buxainas
Por Redacción
A o longo de varias semanas, os alumnos do colexio Vilaverde de Mourente realizou traballos para recuperar a tradición do xogo do trompo e que os máis pequenos teñan coñecemento e gocen deste entretemento.
Desta forma, os escolares de diversos cursos realizaron deseños para tunear os trompos con cores relativas ao outono. Experimentaron con diferentes mesturas para conseguir tonalidades con esas cores para adornalos.
Ademais, un grupo de estudantes de sexto curso trasladouse á casa dun veciño de Mourente, Isidoro Bouzas, ebanista xubilado, para gravar e aprender como se fai un trompo con madeira de buxo.
Tras este encontro, levouse a cabo un obradoiro para tunear os trompos por parellas, combinándose alumnos de sexto con escolares de tres anos.
Os 475 alumnos do centro elaboraron case 300 pezas e máis de cen carteis para anunciar a exposición. Nesta exposición colaboraron tamén todos os profesores do centro.