O fiscal mantén a acusación contra un home por abusar da súa filla e das súas fillastras menores
Por Natalia Puga
O fiscal decidiu este martes manter a acusación que presentara contra un pontevedrés por presuntamente abusar da súa filla e as súas dúas fillastras cando eran menores de idade e maltratar á súa parella e nai das nenas. Pedía que fose condenado a 35 anos de prisión e mantívoo ao termo do xuízo, celebrado na Sección Cuarta da Audiencia Provincial de Pontevedra a porta pechada.
Segundo informou a Fiscalía Superior de Galicia, o fiscal mantivo o seu escrito de acusación provisional contra o home, de que non se facilitan datos para protexer a identidade das súas vítimas. Non transcendeu o contido da súa declaración na sala de vistas.
O acusado iniciou unha relación sentimental no ano 2003 cunha muller con tres fillos menores e pouco despois fóronse a vivir xuntos. Aos meses de convivencia, en 2004, empezou a abusar de dúas das fillas da súa parella, de 6 e 9 anos. Coa de 9 anos aproveitaba que quedaba a soas con elas para realizarlle tocamentos e cada vez que a vía preto tocáballe o peito ou o cu, chegando a facelo nalgunha ocasión mesmo cando había xente diante. Á máis pequena introduciulle varias veces o dedo nos órganos xenitais.
Desde o inicio da relación, o acusado someteu á súa parella "a un temor constante", creando un "clima de terror continuo no domicilio familiar"
No ano 2008 naceu a filla común do acusado e a súa esposa e xa desde pequena, segundo o fiscal, someteuna aos mesmos abusos que ás súas irmás. Ademais, desde o inicio da súa relación sentimental, o acusado someteu á súa parella "a un temor constante", creando un "clima de terror continuo no domicilio familiar". Proferíalle continuamente todo tipo de insultos e ameazas de acabar coa súa vida, tales como "eu ireime á cárcere pero ti irás ao ceo" e en numerosas ocasións deulle fortes empuxóns, retorceu o brazo, apertou o pescozo ou a colleu polos pelos. Estes actos producíanse no domicilio familiar na comarca de Umia e, en moitas ocasións, en presenza das súas fillas menores de idade.
A súa parella presentou denuncia por todos os feitos o día 8 de novembro de 2013, data en que eran menores de idade dúas das súas fillas e a filla maior, que agora xa est maior de idade, confesou que a ela tamén lle pasaba xa ante o xulgado. Por estes feitos, as dúas fillastras sufriron un importante dano psicolóxico e un forte sufrimento emocional. A súa filla biolóxica, que agora ten 7 anos, non cosnta que teña aínda dano psicolóxico, dada a súa curta idade.
O fiscal acúsao de tres delitos continuados de abuso sexual sobre menor de 13 anos e un delito de malos tratos habituais polos que pide que a Audiencia lle impoña 35 anos de prisión e o pago dunha indemnización de 43.000 euros ao seu ex parella e as súas fillastras.
Relacionadas:
-
O policía condenado por abusos sexuais ás súas fillastras menores espera en prisión o seu recurso no Supremo
Por Natalia Puga |
-
Piden o ingreso inmediato en prisión para o policía condenado por abusos sexuais ás súas fillastras menores
Por Redacción |
-
Condenado a 17 anos de prisión por abusar sexualmente das súas fillastras menores de idade
Por Redacción |
-
Xulgan un home acusado de abusar da súa filla e as súas dúas fillastras e maltratar á súa parella
Por Redacción |