Construirán unha senda peonil e ciclista de case tres quilómetros no ámbito da Lanzada
Por Redacción
Máis de 3,4 millóns de euros. É a contía do crédito que habilitou o Consello da Xunta para acometer as obras dunha senda peonil e ciclista na estrada Pontevedra - A Lanzada (PO-308), ao seu paso polo concello de Sanxenxo.
O propósito fundamental da actuación é a mellora da seguridade viaria e da mobilidade dos peóns e ciclistas desta vía, que se encadra dentro da rede primaria complementaria da Xunta de Galicia.
Actuarase nun treito de 2,77 quilómetros da estrada PO-308, situado no Concello de Sanxenxo, dende Soutullo á glorieta de conexión coa VG-4.1, na Lanzada.
O principal obxecto da actuación é a execución dunha senda para uso peonil e ciclista ao longo da estrada autonómica, na contorna da praia da Lanzada.
A infraestrutura proxectada ten como finalidade mellorar a seguridade viaria dos seus usuarios, en especial, dos numerosos peóns que camiñan polas súas marxes, principalmente na época estival.
A actuación complétase coa mellora de interseccións existentes, habilitando puntos nos que se permita o cambio de sentido; a construción dunha glorieta na zona da praia de Portomouro e a dotación de zonas de aparcadoiro.
Ademais melloraranse a sinalización, a drenaxe e a capa de rodaxe no treito obxecto do proxecto.
Relacionadas:
-
Veinticinco empresas presentan as ofertas para executar a senda peonil e ciclista en Sanxenxo
Por Oskar Viéitez |
-
Sanxenxo recorda ao PP que leva catro anos facendo un uso "electoralista e partidista" da PO-308
Por Redacción |
-
A Xunta licita as obras da senda peonil e ciclista na estrada PO-308
Por Redacción |
-
Sanxenxo urxe á Xunta para que reforme a PO-308 antes do verán
Por Redacción |
-
O alcalde de Sanxenxo insiste en pedir unha reunión con Ethel Vázquez para falar da PO-308
Por Redacción |
-
A seguridade comeza a achegarse a PO-308
Por Redacción |
-
A Xunta marcará sobre o terreo en Raxó as futuras beirarrúas da PO-308
Por Oskar Viéitez |