A Xunta licita as obras da senda peonil e ciclista na estrada PO-308
Por Redacción
O Diario Oficial de Galicia publica este luns a licitación das obras da senda peonil e ciclista na estrada Pontevedra- A Lanzada (PO-308), ao seu paso polo concello de Sanxenxo, por un valor de preto de 3,2 millóns de euros.
Estas obras contan co cofinanciamento da Unión Europea a través do Fondo Europeo de Desenvolvemento Rexional (Feder) nun 80%, no marco do programa operativo Feder Galicia 2014-2020.
Coa publicación do anuncio da licitación no DOG ábrese un período de 26 días naturais a partir de mañá para a presentación de ofertas por parte das empresas interesadas na execución das obras, polo que o prazo remata o día 2 de xaneiro.
O propósito fundamental da actuación é o de fomentar un tránsito peonil e ciclista nesta estrada, que se encadra dentro da rede primaria complementaria da Xunta de Galicia.
Posibilitarase o acceso mediante estas alternativas de mobilidade sostible a praias como A Lanzada, ao espazo natural do complexo intermareal Umia – O Grove ou ao xacemento arqueolóxico de A Lanzada, nas condicións axeitadas de seguridade viaria.
Actuarase nun treito de 2,77 quilómetros da estrada PO-308, situado no Concello de Sanxenxo, dende Soutullo á glorieta de conexión coa VG-4.1, na Lanzada.
Nese treito executarase unha senda para uso peonil e ciclista de mellora da seguridade viaria para compatibilizar o tráfico rodado co peonil e o ciclista. Actuarase en especial nas interseccións, habilitando puntos nos que se permita o cambio de sentido; construíndose unha glorieta na zona da praia de Portomouro; e habilitando e ordenando zonas de aparcadoiro.
Relacionadas:
-
O PSOE pide á Xunta que reforce a seguridade vial no proxecto de mellora da PO-308 na Lanzada
Por Redacción |
-
Veinticinco empresas presentan as ofertas para executar a senda peonil e ciclista en Sanxenxo
Por Oskar Viéitez |
-
Proxectan crear un paso soterrado na zona das Salinas na Lanzada
Por Redacción |
-
Piden á Xunta que amplíe ata Major a mellora da PO-308
Por Redacción |
-
Sanxenxo recorda ao PP que leva catro anos facendo un uso "electoralista e partidista" da PO-308
Por Redacción |
-
Sanxenxo urxe á Xunta para que reforme a PO-308 antes do verán
Por Redacción |
-
Construirán unha senda peonil e ciclista de case tres quilómetros no ámbito da Lanzada
Por Redacción |
-
O alcalde de Sanxenxo insiste en pedir unha reunión con Ethel Vázquez para falar da PO-308
Por Redacción |