Cuntis convértese no primeiro concello da comarca en aprobar o seu orzamento
Por Redacción
Este xoves día 29 tivo lugar no concello de Cuntis un pleno extraordinario no que se trataron como puntos da orde do día a aprobación do plan económico financieiro e por outro, a aprobación do orzamento para o exercicio 2016.
Comezouse gardando un minuto de silencio en condena polo asesinato machista rexistrado en Ponte Sampaio, Pontevedra.
En canto á aprobación do orzamento, o grupo de goberno presentou este presuposto por considerar moi necesaria a regularización da situación económica do Concello dado que nestes momentos se está a traballar cunhas contas prorrogadas dende o ano 2010; primeiro fíxose unha modificación de crédito para poder contar con dinero suficiente e así afrontar o gasto corrente e "dotar ao tecido asociativo deste concello das axudas que tanto necesitan para desenvolver a súa labor social".
Por ese motivo, o goberno local traballou na elaboración dun orzamento de 3.060.000 euros que cumpla co equilibrio entre ingresos e gastos e deste xeito poder cumplir coa regla de gasto ao final de ano. Un orzamento de "carácter eminentemente social", salientaron, xa que se aumenta o gasto en dependencia en 150.000 euros, pasando de 200.000 a 350.000.
As axudas no ámbito escolar e de garderías tamén se incrementan "considerablemente". A partida para as asociacións en concurrencia competitiva auméntase en 5.000 euros, mentres que o importe destinado ás partidas de deporte vese aumentado en 4.300 euros.
Auméntanse as partidas destinadas ao mantemento de infraestruturas e servizos xerais; o apoio ao comercio en 6.000 euros, se dota un fondo para o apoio ao emprego e á formación.
As partidas de inversión reais incrementaranse cos fondos procedentes da Deputación provincial.
En canto á recadación se refire, adoptouse unha decisión que rebaixa a presión fiscal sobre os veciños, a baixada da tarifa do IBI, pasando do 0,60% do exercicio 2015 ao 0,45% para o 2016.
O alcalde agradeceu expresamente ao grupo municipal do BNG e a Veciñanza o seu apoio para a aprobación destes orzamentos.