O Xulgado suspende cautelarmente o desafiuzamento e derriba do edificio Pintos de Bueu
Por Oskar Viéitez
O Xulgado do Contencioso-Administrativo número 2 de Pontevedra ditou un auto no que se suspende de maneira cautelar a execución da sentenza de desafiuzamento e demolición parcial do edificio Pintos, en Bueu.
O xuíz aceptou o incidente presentado pola comunidade de propietarios do inmoble, que ante os recentes cambios na xurisdición contencioso-administrativa, solicitaba que de maneira previa se garantisen as indemnizacións aos terceiros de boa fe.
O alcalde de Bueu, Félix Juncal, saíu ao paso para manifestar en nome do grupo de goberno "a nosa máis absoluta e sincera felicidade e satisfacción".
Por parte da Alcaldía xa se procedeu a trasladar esta circunstancia mediante o correspondente oficio a todas as partes interesadas, "facendo constar que o desaloxo do 2 de novembro queda sen efecto".
Relacionadas:
-
Bueu pide perdón aos donos do edificio Pintos e confía en poder paralizar o derrubamento
Por Redacción |
-
O Concello de Bueu pide perdón aos propietarios do edificio declarado ilegal polo TSXG
Por Redacción |
-
O alcalde de Bueu comunica aos veciños do edificio Pintos a intención de paralizar o desaloxo
Por Redacción |