Localizan e resolven dúas verteduras en Lourido que afectaban á Ría de Pontevedra
Por Redacción
No desaugadoiro dunha vivenda particular de Lourido atopou Augas de Galicia a orixe de dúas verteduras que afectaban á Ría de Pontevedra.
En concreto, foron localizadas a raíz dunha inspección feita na zona e na que comprobaron que as augas residuais xeradas no baño da vivenda eran vertidas a través dunha tubaxe cara a ría, ao igual que as augas procedentes do lavadoiro da cociña.
Tras os feitos observados, solicitouse a execución dunha actuación que puxese fin a estas achegas, que consistiron na conexións das augas cara á rede de saneamento do Concello.
Por último, os técnicos do Plan de Control de vertidos realizaron unha última inspección no lugar, xunto co persoal do termo municipal de Poio, grazas á cal a Consellería de Medio Ambiente verificou que os puntos de vertido quedaron totalmente eliminados.