O PP critica ao goberno provincial por "vender" os programas de emprego de Louzán
Por Redacción
O grupo provincial do Partido Popular recorda á presidenta da Deputación de Pontevedra, Carmela Silva, "que os programas e proxectos de emprego dos que presume son iniciativas que puxo en marcha o goberno liderado por Rafael Louzán".
A Deputación acaba de poñer en marcha un Servizo de Emprego, que ata agora non existía na institución provincial e que aglutina a totalidade das funcións que antes estaban dispersas por varios departamentos desta administración. Inclúen proxectos como Depoemprega, o programa Practicum, ou os obradoiros do Príncipe Felipe.
O voceiro Ángel Moldes mostra a súa "perplexidade" ante o anuncio da presidenta, á que lle pregunta "que é o que realmente está vendendo", ou se é que "se está atribuíndo éxitos alleos".
Entenden os populares que este xa é un adianto do que vai ocorrer nos dous anos próximos, "imos a asistir a inauguracións de obras e de proxectos adxudicados polo anterior goberno e vanse a publicitar, a bombo e platillo, como se fosen froito da súa xestión".
Relacionadas:
-
Entra en funcionamiento un Servizo provincial de Emprego
Por Oskar Viéitez |
-
O novo goberno da Deputación cumpre 67 días de traballo "a toda máquina"
Por Oskar Viéitez & Mónica Patxot |
-
O novo plan de emprego da Deputación duplicará o salario que recibirán os seus 1.550 beneficiarios
Por Alejandro Espiño |