![](/web/cache/scene/uploads/fotos/foto/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/50efecec6f4d7-protestaafectadospreferentesexteriordeputacion.jpg)
CC BY-NC-SA PontevedraViva
Afectados polas preferentes toman as rúas de Pontevedra e a Deputación
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/50efed3f0c578-afectadospreferentesinteriordeputacion.jpg)
CC BY-NC-SA PontevedraViva
![](/web/cache/scene/uploads/fotos/foto/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/50eff2233ecc5-afectadospreferentes.protestadep.jpg)
CC BY-NC-SA PontevedraViva
![](/web/cache/scene/uploads/fotos/foto/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/50eff33768f28-afectadospreferentesdeputacionexterior.jpg)
CC BY-NC-SA PontevedraViva
Centos de afectados pola comercialización de participacións preferentes e obrigacións subordinadas chegados desde todos os puntos da provincia tomaron este venres as rúas do centro da cidade, os alrededores da Deputación e o interior da sede provincial.
A protesta comezou ás 10.00 horas cun percorrido por todas as rúas da cidade, detívose ás portas da Subdelegación do Goberno en Pontevedra e no exterior do Pazo Provincial e acabou cunha ampla representación dos manifestantes ocupando o Salón de Plenos e demandando unha reunión co presidente da Deputación Provincial, Rafael Louzán.
A concentración tivo o respaldo de alcaldes dos distintos signos políticos, en especial do BNG e do PP e das comarcas de Pontevedra e O Morrazo. Entre eles, os regidores de Pontevedra, Miguel Anxo Fernández Lores; Bueu, Luciano Sobral; Marín, María Ramallo; Cangas, José Enrique Sotelo; ou Soutomaior, Agustín Reguera.
Manifestantes e rexedores reuníronse con Rafael Louzán con intención de solicitarlle que leve para o seu debate e aprobación no Pleno da Deputación Provincial unha serie de demandas, baseadas no principio de que non se aplique a Lei 9/2012 no que afecte a afectados de preferentes e subordinadas. A súa intención é que as peticións acaben elevándose á Xunta de Galicia e o Goberno estatal, tamén gobernados polo PP.
Entre as súas peticións destaca que non se aplique a quita aos afectados nin se cambie o diñeiro investido por outros produtos financeiros, así como que se axilice o sistema arbitral e recoñézase aos prexudicados a súa condición de aforradores e non de inversores. Esta última demanda implica que se recoñeza a mala praxe das antigas Caixanova e Caixa Galicia na venda destes produtos.
Mentres no interior da Deputación se producía a reunión, arredor de 300 afectados seguían concentrados ás portas do Pazo Provincial solicitando con cantos que os responsables da fusión das dúas caixas galegas vaian a prisión e apuntando á Xunta de Galicia como unha das institucións responsables da situación: "Ia, ia, ia, a Xunta xa o sabía", vitorearon mentres ameazaban con que ás 12.30 horas entrarían na sede provincial.