A ampliación do Hospital do Salnés evoluciona segundo os prazos previstos
Por Redacción
A conselleira de Sanidade, Rocío Mosquera, acompañada polo alcalde de Vilagarcía, Alberto Varela, visitou este mércores as obras de ampliación do Hospital do Salnés, onde puido comprobar como se están a desenvolver os traballos, que están a cumprir os prazos establecidos.
Durante a visita, Mosquera sinalou que a ampliación do hospital, cofinanciada polo programa operativo Feder Galicia 2007-2013, supón un investimento de preto de 7,8 millóns de euros, e que "as novas instalacións facilitarán a actividade dos magníficos profesionais que traballan neste centro, o cal irá en beneficio dos pacientes".
A obra contempla a construción dunha nova infraestrutura que afectará a cinco áreas hospitalarias, que representan unha superficie asistencial de máis de 4.100 metros cadrados, dos que uns 2.700 son do novo edificio e uns 1.400 serán obxecto de reforma.
A conselleira remarcou que se trata dunha obra moi complexa ao que se engade o feito de ter que realizala coa mínima repercusión na actividade asistencial do centro, que permanecerá en funcionamento durante o transcurso da mesma. Ao respecto, felicitou ao persoal das obras, ao equipo directivo da xerencia polo seu excelente labor de planificación e coordinación "e, por suposto, aos profesionais do centro".
Relacionadas:
-
O Sergas mantén os prazos previstos para concluír a primeira fase de ampliación do Hospital do Salnés
Por Redacción |
-
Carmela Silva, con respecto a Monte Carrasco: "Nin en Pontevedra nin en Vigo nin en Vilagarcía, non aos hospitais privados"
Por Alejandro Espiño |
-
A Xunta compromete que a ampliación do Hospital do Salnés estará rematada a finais de 2016
Por Redacción |
-
Dragados asina o contrato para realizar a obra de ampliación do hospital do Salnés
Por Redacción |
-
As obras de ampliación do Hospital do Salnés comezarán antes de 2015
Por Redacción |