Cotobade recupera a semana cultural de San Roque
Por Redacción
O alcalde do Concello de Cotobade, Jorge Cubela, deu a coñecer a programación que terá lugar durante o mes de agosto coincidindo coa festividade local de San Roque.
Dentro destas actividades salientanse as deportivas, entre as cales atópanse o I Torneo de Fútbol 7 de Cotobade, o Torneo de Veteranos que se celebrará no novo campo de herba de As Extremas.
Pero non todo vai a ser fútbol, polo que a programación deportiva tamén inclúe:
- os xogos populares para todos no Campo de Sión o 17 de agosto, organizados pola Asociación San Miguel de Carballedo.
- o baile ese mesmo día haberá unha master class de zumba con Kepa na praza
- as andainas, neste caso unha andaina nocturna ata o observatorio
- o ciclismo, levarase a cabo a tradicional festa da bici o día 22 de agosto as 10:00 da mañá
- e a orientación, cunha carreira organizada o día 24, para todas as idades e con varias categorías.
Ainda que o deporte ten unha gran variedade de actividades durante este mes, a programación lúdica tamén está presente este mes de agosto.
Comeza coa organización da excursión ao Aquapark de Cerdeda, seguidamente:
Teatro a obra "A verdadeira historia de Robinson Crusoe" da compañía Bandullo Azul para público familiar terá lugar o día 14 de agosto ás 20:00 na praza Chan, dirixida a público familiar.
O cine tamén ten cabida na programación cultural con dúas actividades o día 17 de agosto con "Voltando a vista atrás" unha proxección na praza da Chan de diversos filmes dos 80 e 90 sobre Carballedo. E de estreno coa proxección "Maimiño e o espello máxico" o día 19 de agosto ás 22:00 na praza de A Chan.
A maxia a cargo no Mago Paco o día 18 de agosto na mesma praza.
A música coa pequeverbena, o día 23 de agosto as 21:30 na mesma praza a cargo do grupo Uxía Lambona e a Banda Molona e o 21 de agosto o Festival Folclórico Concello de Cotobade, onde ás 20:30 farase unha homenaxe a Ricardo Portela seguida da actuación de todos os grupos folclóricos do Concello e a Banda de Música.
Finalmente, e non o menos importante a programación lúdica conta coa actividade do Día do neno, que será o día 22 de agosto a partir das 16:00 con inchables, inchables con auga, tirolina, circuito de vehículos a pedais, futbolín humano, etc. Rematando como xa e tradicional coa festa da escuma.
Non só na programación hai actividades lúdicas senon que as culturais formativas tamén teñen o seu espazo na programación.
O día 18 de agosto ás 18:00 na Praza da Chan a cotobadesa Nuria Bouzas, gañadora do XXI Concurso nacional de Cuentos Jose Manuel Alvarez Gil, fará unha sesión onde lerá o seu conto gañador
O día 19 de agosto acollerá o pavillón de deportes de Carballedo a Exposición de Animais organizada pola AEAM, onde se realizará o obrdoiro de "Eses locos animaliños" as 18:00 e as 20:00.
O día 20 de agosto, despois da andaina, haberá unha visita guiada no observatorio para achegarase ao mundo da astronomía..
Toda a programación aquí desenvolvida é para todos os públicos. Animando a que disfruten desta programación o Concello de Cotobade agradece a colaboración que prestan as asociacións e persoas que participan na mesma.