O goberno local aproba 2,2 millóns de euros en diferentes investimentos
Por Oskar Viéitez
A Xunta de Goberno do Concello de Pontevedra celebrada este luns aprobou un paquete de investimentos por 2,2 millóns de euros.
Segundo informou o voceiro do goberno municipal, Raimundo González, trátase dunha "contía suficientemente importante" que coincide "nun momento no que disminúe o investimento público", tanto pola crise económica coma polo período estival.
Entre as adxudicacións encóntranse a rehabilitación e mellora da accesibilidade da estrada N-541 na zona de Igrexa na parroquia de Mourente, por un total de 234.083 euros que executará a empresa E.C. Casas. Ademais da rebaixa no prezo esta firma ofreceu como mellora o incremento nun centímetro do espesor do asfalto e a instalación de 49 fitos de plástico que separan a calzada do paso dos peóns.
Ponse en marcha o acondicionamento da Rúa dos Campos que dá acceso ao centro asociado da UNED en Monte Porreiro. A obra ten un presuposto de 241.997 euros.
Tamén no rural, acometeranse traballos de mellora na parroquia de Lérez, en concreto, no vial comprendido entre A Laxiña e A porta dá coxa, na zona da Gándara. O presuposto é de 241.116 euros.
Póñense en marcha as reformas das rúas José Millán e Javier Puig
Finalmente adxudicouse para os próximos catro anos os traballos de mantemento dos viais urbanos.
SEGUROS
Por outra parte, a empresa Mugatra resultou adxudicataria do servizo de prevención de riscos laborais do Concello, pola cantidade de 24.756 euros. Ademais prestará axuda legal, servizos de asesoramento, defensa e orientación e en caso de accidentes.
A correduría de seguros AOE Gil e Carvajal actuará de mediadora en materia de seguros en nome do Concello de Pontevedra, en virtude doutra das adxudicacións feitas este luns, na cantidade de 9.295 euros.
Relacionadas:
-
EC Casas reformará a rúa Javier Puig por cen mil euros menos do prezo de licitación
Por Oskar Viéitez |
-
Construcciones EC Casas encargarase do mantemento de estradas rurais
Por Redacción |
-
Crédito de 2,8 millóns para financiar a renovación da cuberta do municipal e outras obras urbanas e rurais
Por Diego Espiño |