Esta fin de semana, 'espétalle un pincho' en Moraña
Por Redacción
Moraña vivirá esta fin de semana unha nova edición da súa Ruta de Tapas do Carneiro, que este ano chega á súa cuarta edición baixo o nome 'Espétalle un Pincho' e coa participación de 13 locais.
Durante dous días, entre o 3 e o 4 de xullo, os hostaleiros de Moraña darán a coñecer as súas propostas de elaboración alternativas ao Carneiro ao Espeto. De feito, a actividade forrma parte da programación da XLVI Festa do Carneiro ao Espeto, declarada de interese turístico galego.
A actividade realízase en colaboración coa Asociación de Comerciantes e Hosteleros de Moraña, ACEH, e na súa edición 2014 destacou pola altísima calidade e elaboración dos pratos presentados ao concurso.
O xurado desta edición estará compuestro por membros de Galicia Gastro, entre eles Miguel Mosteiro, director gastronómico do grupo IN9 Eventos-Chicolino; Luís Domenech, autor do blog La Buena Pitanza; a blogger gastronómica e cociñeira Rocio Garrido, de 'La Cocina de Mi Abuelo' e autora do libro 'Cociñando coas Razas' o fotógrafo e blogger Xoan Arco da Vella, de 'O Paraiso Existe, ven ao Morrazo' o blogger de @GastroyPolitica Faustino Batallán; o fotógrafo e blogger Carlos Serrano, de FotoCarlosGrafias; o experto en márketing Nicolás Varela; un representante da ruta Barro de Tapas; e un membro do Goberno local de Moraña.
Como en anteriores edicións poderase seguir o evento a través das redes sociais nas contas de Facebook e Twitter da ruta e nas contas dos bloggers participantes e de Galicia Gastro.
O resto de actividades da XLVI Festa do Carneiro ao Espeto, tamén se poderán seguir a través da páxina web oficial ou das redes sociais: Facebook e Twitter.