"Que muller máis bonita, que guapa es"
Por Oskar Viéitez
Axentes da Policía Nacional lograron identificar o día 1 de xuño á presunta autora dun delito de furto utilizando o modus operandi do abrazo.
Segundo informaron fontes oficiais da Comisaría de Pontevedra o feito foi denunciado o día 16 de maio en dependencias policiais por unha muller, veciña de Pontevedra, quen relatou que cando camiñaba por unha céntrica rúa da cidade foi abordada por unha rapaza nova que lle colleu as mans e dicíndolle: "que muller máis bonita, que guapa es", acariciáballe as mans continuamente, ata que abandonou o lugar, decatándose máis tarde que esta moza subtraéralle unha sortella que levaba posta, valorada en 900 euros.
A raíz da denuncia iniciáronse as xestións para tratar de identificar a autora da subtracción. Tras solicitar datos, a vítima logrou recoñecer a presunta autora da subtracción da sortella.
Trátase dunha moza de orixe romanesa, de 22 anos de idade, con antecedentes por feitos similares.
Nos últimos días presentáronse dúas novas denuncias utilizando o mesmo modus operandi
Nos últimos días presentáronse dúas novas denuncias utilizando o mesmo modus operandi, en ambos os dous casos os denunciantes foron vítimas da subtracción de xoias.
O primeiro dos casos denunciado o día 2 de xuño á vítima subtraéronlle un reloxo valorado en 5.000 euros e este mesmo fin de semana unha muller foi vítima da subtracción duns aros de ouro por parte dunha muller que non deixaba de abrazala.
CONSELLOS
A Policía Nacional advirte que este é un dos enganos máis frecuentes, polo que dende a Comisaría reiteran os cidadáns unha serie de consellos parar tratar de evitar ser vítimas deles.
Por exemplo, que non respondan a requirimentos, nin bicos, nin abrazos de persoas ás que non coñecen e que aproveitan ese momento de confusión para con garatuxa e despregando todo tipo de palabras cariñosas aproveitan para subtraer os obxectos de valor que nese momento levamos enriba sobre todo xoias: colares, aneis, pulseiras, pendentes, entre outras.
Relacionadas:
-
As ladroas amorosas volven a Pontevedra, esta semana caeron dúas vítimas
Por Redacción |
-
O 'furto da aperta' xa ten rostro: identifican unha muller de 26 anos
Por Redacción |
-
Se uns descoñecidos tentan estreitarte, sepárate e chama á Policía, volveu o 'furto do abrazo'
Por Redacción |
-
Ollo ás solicitudes de axuda, poderían ser ladróns
Por Redacción |
-
Onde está o médico máis próximo? De paso, quedo coas túas xoias
Por Redacción |
-
O furto do abrazo chegou para quedar
Por Redacción |