Inician as obras do saneamento no barrio de Avecil en Cuñas
Por Redacción
O Concello de Ponte Caldelas iniciou esta semana as obras correspondentes a unha nova fase no saneamento de Cuñas incluída no Plan de Investimentos da Deputación de Pontevedra. En concreto trátase de estender a rede de rede de sumidoiros a gran parte do barrio de Avecil cun investimento de 81.495 euros.
A dirección técnica e responsables da empresa comezaron a reformulación sobre o terreo.
O proxecto considera a colocación duns 1.000 metros lineais de canalizacións, distribuídas en varios ramais, que permitirán prestar este servizo de rede de sumidoiros a unhas 25 vivendas desta zona que se conectarán co colector do barrio de Aldea de Abaixo para conducir as augas fecais ata a depuradora situada na estrada de Parada.
Hai que recodar que en ano 2014 o Concello de ponte Caldelas, a través tamén do Plan de Investimentos da Deputación (PID) ampliou a rede de saneamento en Cuñas coa posta en servizo dunha rede de colectores no barrio do Lombo para dar servizo a unhas 20 vivendas.