Ferido un septuaxenario ao colisionar a súa moto contra un camión en Mogor
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Un home duns 72 anos resultou ferido nunha colisión rexistrada na mañá deste mércores entre unha moto e un camión no municipio de Marín.
Segundo os datos facilitados polo 112 a colisión aconteceu sobre as 9,30 horas na estrada de Marín a Bueu, á altura da igrexa de Mogor.
Ao lugar o 061 desprazou unha ambulancia asistencial que levou ao varón ferido ao Hospital Domínguez, segundo indicaron fontes sanitarias.