O BNG critica ao goberno local de Marín por tardar catro anos en abrir o albergue de Cadro
Por Redacción
A portavoz do BNG, Pilar Blanco, acompañada doutros membros da organización política, visitou o albergue de Cadro para comprobar a súa posta en funcionamento: "O BNG ideou esta dotación turística, ligada ao Parque Multiaventura, no ano 2009 como unha oportunidade para combater a escaseza de aloxamentos no seu entorno e unha oportunidade máis de crear emprego ligado á natureza como xa o é o propio parque", lembra a portavoz do BNG.
O proxecto financiouse a través do organismo Terras de Pontevedra, rematando as obras en xuño de 2013.
"Resulta difícil explicar como se pode tardar dous anos en recepcionar unas obras, case oito en elaborar un prego de contratación e outro máis en axudicar unha concesión de explotación para poñernos en abril de 2015, a unhas semanas das eleccións municipais e co albergue aínda baleiro", lamenta a edil nacionalista.
A voceira nacionalista criticou a política turística de Marín por manter pechadas a oficina de información turística e o Centro de Interpretación dos Petróglifos, o parque de Castiñeiras "abandonado e sen servizos" e que "non exista oferta cultural de ningún tipo", explicou Pilar Blanco.