The Washington Post fíxase na singularidade da Semana Santa pontevedresa
Por Redacción
A Semana Santa pontevedresa deixa imaxes curiosas que dan a volta ao mundo. Así o consideraro no The Washington Post, o maior e máis antigo xornal de Washington e un dos medios de prensa escrita de maior prestixio mundial, ao publicar unha instantánea do fotógrafo pontevedrés Miguel Vidal (Reuters) na que, durante os actos litúrxicos, se observa dúas nenas pertencentes á confraría da Maior Dor xogando nas proximidades da basílica de Santa María.
As nenas aparecen ataviadas cos traxes negros e as peitas, atavíos característicos desta confraría composta unicamente por mulleres, e obsérvase como unha delas sorrí mentres corre.
Na imaxe tamén se pode ver a Miguel López, un coñecido funcionario do concello pontevedrés e director do documental 'Castelao vive en Pontevedra'.
A fotografía inclúese nunha reportaxe do The Washington Post no que se recollen 17 fotografías rechamantes da celebración da Semana Santa no mundo (17 beautiful photos of Holy Week around the world). Neste traballo aparecen imaxes do Vaticano, Caracas (Venezuela), Xerusalén (Israel), Tenerife, Zaragoza, Málaga (España), Segura (Portugal), Secunderabad (India) e Malabacat (Filipinas).