"Mentras non haxa consenso a Deputación non vai a levar a cabo nada", asegura Louzán sobre a planta de compost
Por Oskar Viéitez
A presenza no Salón de Plenos da Deputación de 120 membros da Plataforma 'Residuos Non' xirou a sesión plenaria deste venres en torno ao proxecto de planta de compostaxe que promoven a Administración provincial e o Concello de Pontevedra en terreos da Canicouva.
O presidente provincial, Rafael Louzán, aclarou que "mentras non haxa consenso a Deputación non vai a levar a cabo nada". Era a resposta que esperaban os membros da plataforma que aplaudiron esta intervención e mesmo lle berraron a Louzán "tú si que vales".
No seu discurso Rafael Louzán chamou á responsabilidade de todos os partidos á hora de facer política con determinados asuntos como a xestión dos lixos e explicou a súa propia experiencia como veciño de Ribadumia que ten unha planta de transferencia de residuos a 300 metros da súa vivenda "e non pasa nada". Tamén recordou o conflito da empacadora de Vilaboa coas mobilizacións protagonizadas entón polo PSOE e o BNG: "daqueles polvos veñen estes lodos".
O centro de todas as críticas foi o voceiro do BNG e concelleiro pontevedrés, César Mosquera, quen xunto ao alcalde capitalino, Miguel Anxo Fernández Lores, foi sinalado por unha voceira da plataforma na súa intervención pola súa "prepotencia, chulería e prácticas antidemocráticas que xa criamos desterradas".
O aludido apenas puido arrancar co seu discurso xa que pronto era interrompido polos berros e apupos dos veciños de Ponte Sampaio presentes no salón de plenos.
A ocasión foi aproveitada polo grupo socialista, cuxo voceiro, Santos Héctor, esixiu ao presidente unha "resposta clara" a unha sinxela pregunta: "segue adiante co proxecto ou non?". De novo aplausos do público.
A segunda intervención de Mosquera nin sequera foi atendida. No medio do seu discurso os membros da plataforma levantáronse e abandonaron o edificio deixando o deputado nacionalista coa palabra na boca.
Perdéronse a súa declaración de intencións: "imos seguir adiante, se temos de novo a confianza da xente despois do 24 de maio", apuntou que espera contar coa "compañía" da administración provincial neste proxecto de construir unha planta de compostaxe pero de non ser así seguirán en solitario, porque "non nos vai a tremer a man".
"Pois elixan ben os compañeiros de viaxe", dixo Louzán na súa última intervención referíndose aos socialistas socios de goberno do BNG no Concello de Pontevedra dos que dixo "só están aí para desgobernar" e aos que recomendou que "monten un cuadrilátero e se dean de leches entre vostedes".
Relacionadas:
-
Tino Fernández "augura" que BNG e PP volverán pactar a construción da planta de compostaxe despois das eleccións
Por Oskar Viéitez |
-
A planta de compost segue adiante: será máis pequena e só para Pontevedra
Por Alejandro Espiño |
-
Agustín Fernández afirma que Louzán deixou "tirado na gasolineira" a Lores no tema da planta de compost
Por Redacción |
-
Agustín Fernández acusa o BNG de "engañar" a comuneiros e veciños co contrato da planta de compost
Por Alejandro Espiño |
-
O contrato para a planta de compost prohibirá expresamente unha incineradora ou un vertedoiro na Canicouva
Por Alejandro Espiño |
-
Asubíos e apupos o alcalde á entrada ao Pleno pola planta de compostaxe na Canicouva
Por Oskar Viéitez & Alejandro Espiño | Creada e actualizada