Un incendio forestal arrasa 50 hectáreas de monte raso na parroquia de Seixido
Por Redacción
Creada e actualizada
Creada e actualizada
A Lama foi o escenario este venres dun dos primeiros incendios forestais deste ano na comarca de Pontevedra. En concreto, o lume rexistrouse na parroquia de Seixido.
O incendio, que foi controlado contra as seis da tarde, iniciouse ás 13:41 horas. Segundo as estimacións provisionais, a superficie afectada é de 50 hectáreas, a maioría de monte raso.
A Consellería do Medio Rural e do Mar destaca nos traballos de control deste incendio participan dous axentes forestais, seis brigadas, tres motobombas e seis helicópteros.
RECORDAN A PROHIBICIÿN DE QUEIMAS
Aínda que non o vinculan con este incendio, a Xunta recorda que todas as queimas agrícolas e forestais están prohibidas en Galicia, incluídas aquelas que teñan permiso, debido aos fortes ventos que se están rexistrando estes días.
Aqueles que sexan identificados levando a cabo esta actividade expóñense a unha posible sanción económica.