Confían en reabrir as Ruínas de San Domingos antes do verán ante o bo ritmo das obras
Por Redacción
Os traballos de rehabilitación e consolidación do conxunto das Ruínas de San Domingos avanzan a bo ritmo. Así o destaca a deputada Ana Isabel Vázquez, que avanzou que grazas a iso a Deputación de Pontevedra segue confiando que este monumento poida volver abrir o público antes de que se inicie o próximo verán.
Segundo explicou tras a Xunta de Goberno da institución provincial, non apareceu "ningunha dificultade engadida" que obrigase a retardar os traballos que se están a realizar en todo este ámbito. Teñen un prazo de execución de catro meses.
Os técnicos que están a realizar estes traballos terán, entre outras tarefas, que limpar os muros exteriores e interiores do conxunto e todos os condutos de evacuación de auga, sanear as xuntas, aplicar biocidas en diversas áreas, reforzar a estabilidade dos capiteis e elementos escultóricos ou colocar elementos metálicos anti aves nos peitorís das ventás e repisas dos capiteis.
Ademais, Ana Isabel Vázquez sinalou que se fará un esforzo adicional en todo o espazo das ruínas, de forma que se poidan trasladar diferentes pezas e mostralas ao público dunha forma máis axeitada.
Tamén se recollerán os fragmentos do capitel desprendido no seu día -a segunda parte durante a inspección que realizaron tras a caída inicial- para ver a posibilidade de colocalo de novo na súa situación orixinal.
"Esperamos que todo isto nos permita que a cidadanía poida volver disfrutar pronto deste espazo e volva a abrirse ás diferentes actividades que programa o Museo", concluíu a deputada provincial.
Relacionadas:
-
Por que seguen pechadas as ruínas de San Domingos?
Por Redacción |
-
Sopesan prolongar a rehabilitación das Ruínas de San Domingos, pechadas dende agosto de 2013
Por Oskar Viéitez |
-
Denuncian a Deputación pola "destrución intencionada" dunha colonia de cría do cirrio común nas ruínas de San Domingos
Por Oskar Viéitez |
-
As Ruínas de San Domingos tamén verán mellorada a accesibilidade de todo o seu ámbito
Por Redacción |
-
Arrancan as obras de consolidación das ruínas de San Domingos
Por Redacción |
-
Autorizada a restauración das Ruínas de San Domingos tras recibir o visto bo de Patrimonio
Por Alejandro Espiño |